Ambasadori i BE-së në Tiranë, Silvio Gonzato ka bërë një rrëfim surprizues sa i takon jetës së tij personale. Në një intervistë, Gonzato ka folur për herë të parë publikisht mbi homoseksualishtetin, duke shtuar se kjo nuk është kërcënim për njerëzit dhe nuk abuzon me pozicionin e tij.
Ai ka thënë gjithashtu se ka qenë i martuar me një grua dhe ka dy fëmijë, por që është divorcuar dhe aktualisht bashkëjeton me një burrë. Ambasadori tregon vështirësitë e hasura mbi këtë temë dhe thekson se duhet të ndryshojë mendësia në vendin tonë.
“Është e vështirë sot të ekspozohesh në këtë formë dhe bëhesh i cenueshëm, por më pëlqen të jem i sinqertë. Nuk kam diçka për të fshehur. Të shprehesh se kush je në të vërtetë nuk është e lehtë por e rëndësishme të jesh i ndershëm. Mënyra si jam unë nuk është kërcënim për ju dhe ndjenjat që kam janë të njëjta me ju. Po ne jemi ndryshe, jemi me këtë diversitet dhe jemi edhe të njëjtë. Me pëlqen edhe ideja e ekspozitës ne kemi një thelb njerëzor dhe ju ndoshta e dini që unë kam qenë i martuar me një femër dhe më pas u martova me një burrë dhe problemet janë njësoj”, ka deklaruar Gonzato për A2 CNN.
