Këtë fundjave nis faza “Final Four” në Kategorinë Superiore, nga ku do të përcaktohet kampioni i vendit për sezonin 2025/2026. Vllaznia, Elbasani, Egnatia dhe Dinamo do të përballen mes tyre në këtë fazë, nga të cilat pritet të shfaqin rivalitet dhe të dhurojnë emocione.
Dy ndeshjet e para luhen këtë fundjavë: të shtunën Vllaznia përballet me Dinamon në orën 19:00. Kjo do të jetë takimi i shtatë midis tyre në këtë sezon, duke përfshirë edhe përballjet në Kupën e Shqipërisë. Në gjashtë sfidat e mëparshme ka pasur ekuilibër me dy fitore për Vllazninë, dy për Dinamon dhe dy barazime. Në kampionat Vllaznia ka dy fitore, Dinamo një fitore dhe një ndeshje është mbyllur në barazim. Në Kupë ka qenë një barazim dhe një fitore për Dinamon, me këtë të fundit që kaloi në finale.
Egnatia dhe Elbasani do të luajnë më 17 maj në orën 19:00; edhe kjo është përballja e shtatë mes tyre në këtë sezon. Mes Egnatias dhe Elbasanit ka dominuar barazimi: në kampionat Elbasani ka regjistruar një fitore, ndërsa tri ndeshje të tjera përfunduan në barazim. Në gjysmëfinalet e Kupës së Shqipërisë të dy ndeshjet mes tyre u mbyllën 1-1, me Egnatinë (rrogozhinasit) që kaloi në finale pas serisë së penalltive.
Përballjet direkte Vllaznia – Dinamo 2025/26:
Dinamo – Vllaznia 3-1; Vllaznia – Dinamo 1-0; Dinamo – Vllaznia 0-2; Vllaznia – Dinamo 0-0; Dinamo – Vllaznia 1-1; Vllaznia – Dinamo 0-1.
Përballjet direkte AF Elbasani – Egnatia 2025/26:
Egnatia – Elbasani 1-1; Elbasani – Egnatia 1-0; Egnatia – Elbasani 2-2; Elbasani – Egnatia 0-0; Egnatia – Elbasani 1-1; Elbasani – Egnatia 1-1 (2-4 pen.).
Top Channel.
