Ministri i Maqedonisë së Veriut, Hristijan Mickoski, prezantoi ndryshime në kabinetin qeveritar, përfshirë emërimin e Jeton Shasivarit në postin e ministrit të Drejtësisë. Shasivari, profesor në universitet, është propozuar për këtë pozicion nga Lëvizja VLEN me mbështetjen e Izet Mexhitit.
Emërimi vjen pas përfshirjes së Shasivarit në debatet politike të Tiranës, veçanërisht pas qëndrimit publik të Ali Ahmetit kundër protestave në kryeqytet dhe diskutimeve mbi përfshirjen e Greqisë dhe Beogradit. Në shkrime të mëparshme drejt Shqipërisë dhe kryeministrit Edi Rama, Shasivari ka përdorur gjuhë të ashpër dhe simbole politike, duke paraqitur angazhimin e qarqeve rekrutuese për protestues në Tetovë, Zhelinë, Tearcë, Çair e Saraj, si dhe në Kosovë, si një veprim në funksion të mbrojtjes së interesit kombëtar shqiptar kundër një regjimi të lidhur me narkotrafikun.
Shkrimet e tij përfshinin edhe akuzime dhe gjykime të forta ndaj figurave publike dhe institucioneve, si dhe komente që kanë ngjallur reagime të forta në opinionin publik. Ekspertë të fushës juridike, kolegë profesorë të jurisprudencës dhe opozita shqiptare e kanë kritikuar Shasivarin për mungesë profesionalizmi dhe për anësi në ligjet që ka ndihmuar të hartohen. Ata e akuzojnë se veprimet dhe qëndrimet e tij kanë kontribuar në dobësimin e pozitës institucionale të shqiptarëve.
Kritikët theksojnë se qasja e tij është e papajtueshme me pavarësinë që pritet nga një jurist akademik. Sipas tyre, qëndrimet e Shasivarit gjatë dy viteve të fundit janë afruar ndjeshëm me narrativën e VMRO-DPMNE-së, parti nacionaliste e djathtë që erdhi në pushtet me sloganin “shteti t’u kthehet maqedonasve”. Emërimi në Ministrinë e Drejtësisë ngre kështu pikëpyetje dhe kritika lidhur me profesionalizmin dhe pavarësinë institucionale të titullarit të ri.
