SHBA-të kanë aktivizuar arsenalin e tyre më të avancuar ushtarak në sulmet e fundit ndaj Iranit, duke mobilizuar forcën më të madhe në Lindjen e Mesme në dekadat e fundit. Pas njoftimit të presidentit Donald Trump se SHBA-të ishin “të përgatitura dhe të ngarkuara”, Uashingtoni ndërmori sulme të koordinuara me Izraelin, që sipas raportimeve, rezultuan në vrasjen e udhëheqësit suprem të Iranit.
Komanda Qendrore e SHBA-së (CENTCOM) publikoi gjithashtu listën e armëve të përdorura gjatë këtij operacioni. Në arsenalin e përfshirë ndodhen bombarduesit e fshehtë B-2 Spirit, që janë të aftë të godasin objektivat brenda territorit armik pa u zbuluar nga radarët. Nga anijet luftarake amerikane janë lëshuar raketat Tomahawk, ku njëra prej tyre u qëllua nga shkatërruesi USS Thomas Hudner. Po ashtu, janë përdorur dronë me drejtim LUCAS për goditje precize, si dhe sistemet e mbrojtjes ajrore Patriot dhe THAAD, të cilat janë dislokuar për të neutralizuar çdo përgjigje me raketa nga Irani. Anijet luftarake të klasit Arleigh Burke, të pajisura me sisteme raketore të avancuara, ishin gjithashtu pjesë e kësaj operacije.
Para fillimit të sulmeve, SHBA përqendroi në rajon bombardues strategjikë, anije me raketa të telekomanduara dhe sisteme të mbrojtjes ajrore, duke shënuar një nga dislokimet më të fuqishme ushtarake amerikane në historinë e fundit të Lindjes së Mesme. Ky operacion përfaqëson një përshkallëzim të ndjeshëm të tensioneve midis SHBA-ve dhe Iranit, me përdorimin e teknologjisë më modern ushtarake të disponueshme nga Pentagoni.
Raportimet dhe veprimet ushtarake pasqyrojnë një angazhim të thellë të SHBA-ve në rajon, ndërsa situata mbetet e tensionuar mes dy vendeve.
