Botërori i këtij viti solli një risí: një konferencë shtypi në formë spektakli para finales, zhvilluar në Javits Center të Manhattan, në kuadër të Fanatics Fest që bashkoi edhe yje të sporteve të tjerë. Në event, pyetjet në vend të gazetarëve i bënë personalitete si Tom Brady, Novak Djokovic, Kevin Durant dhe Rio Ferdinand; ky i fundit ishte një nga moderatorët së bashku me aktorin komik Kevin Hard. Publiku në sallë përbëhej nga tifozë që kishin blerë bileta për të hyrë.
Përgatitja e eventit përfshiu dy salla: njëra për konferencat klasike të trajnerëve me gazetarët dhe tjetra një spektakël me publik të pagueshëm, bileta e të cilit shitej për 81.54 dollarë (rreth 70 euro). FIFA e paraqiti në njoftimin zyrtar si një “photo-opportunity”. Fillimisht, sipas Gazzetta dello Sport, ftesa ishte dhe për gazetarët, por më pas u tërhoq pasi auditori i sallës me pagesë u mbush.
Ngjarja shoqërohej edhe me polemika. Para eventit, në konferencën për shtyp u shfaqën Rodri dhe trajneri spanjoll dhe më pas u kalua te Fanatics Fest; trajneri spanjoll u largua i irrituar, duke u ankuar për mungesë respekti dhe duke thënë se ndihej sikur po merrte pjesë në një festë për Messin dhe Argjentinën. Spanja veproi sipas rregullave duke dërguar trajnerin dhe kapitenin për të folur, ndërsa Argjentina e zhvilloi ndryshe: Messi foli vetëm gjatë eventit me pagesë, dhe pas spektaklit shkoi të presë trajnerin Scaloni dhe portierin Emiliano Martínez, të cilët shkuan në konferencën e zakonshme me 40 minuta vonesë.
Në pjesën e pyetjeve nga VIP-at u përfshinë disa tema të lidhura me aspektin emocional dhe presionin e finales: Tom Brady pyeti rreth fotos së Lamine Yamak dhe Messit; Novak Djokovic i kërkoi trajnerit Scaloni dhe Messit si menaxhojnë presionin e ndeshjeve të rëndësishme; Kevin Durant pyeti portierin Emiliano Martínez se çfarë do të bënte nëse Argjentina mbron titullin; Djokovic më pas vijoi diskutimin me trajnerin De La Fuente dhe kapitenin e Spanjës Rodri për mënyrën e ruajtjes së qetësisë para ndeshjes më të rëndësishme.
