Forcat RENE dhe FNSHA kanë zhvilluar një megaoperacion me urdhër të SPAK në orët e para të mëngjesit të sotëm, në disa qytete të vendit.
Prokuroria e Posaçme ka lëshuar 50 urdhër-arreste për personazhe të njohur të krimit.
Gazetarja Klodiana Lala ka zbuluar emra të rinj të përfshirë në urdhër- arrestet e SPAK, të cilët janë Plarent Dervishaj, kunati i Lulzim Berishës, si dhe Endrit Dokle, personazh kryesor i bandës së Durrësit.
Kujtojmë që policia ka ushtruar kontrolle në banesën e vëllezërve Duka në Tiranë, vëllezërve Durim e Valter Bami, si edhe banesë e Marklen Hakës, i cili i ka shpëtuar disa atentateve.
“Me urdhër të SPAK është ndërmarrë një mega aksion në disa qytete të vendit. Janë ushtruar kontrolle dhe ka pasur fletë arreste për bosë të krimit në Nikël, Shkozet, në zonën e Shijakut, Tiranë, në Vlorë, Lezhë dhe zona të tjera. Janë 50 urdhër arreste të firmosur nga prokurorët Altin Dumani dhe Alfred Shehu. Këta persona dyshohen për një seri atentatesh të rënda. Është ushtruar kontroll dhe ka pasur urdhër arreste, jo të gjitha janë ekzekutuar, për pjesëtarë të fisit Avdylaj, disa prej të cilëve nuk janë gjetur. Urdhër arrestet lidhen me ngjarje të rënda kryesisht me vrasje” raportoi gazetarja Klodiana Lala.
Hetimet nisën pas transkriptimeve të bisedave përmes kodeve Sky që këta persona përdornin me njëri-tjetrin.
Në shënjestrën e SPAK janë vënë persona të njohur të krimit në vend si Valter dhe Durim Bami, dy vëllezërit Leonard dhe Erlis Duka, Fatmir Hyseni alias Docja, dy vëllezërit Astrit dhe Altin Avdylaj në Shijak dhe kushëririn e tyre Aldo Avdylaj.
Elis dhe Leonard Duka
Kujtojmë se Fatmir Hyseni alias Docja është në kërkim për dy atentate ndaj Inez Hajrulla dhe Santiago Malkos.
Mes listës së urdhër arresteve është edhe ish-deputeti i PS, Arben Ndoka, i cili është shpallur në kërkim.
‘Kokat’ e krimit për të cilët janë lëshuar urdhër arreste:
Leonard Duka
Erlis Duka
Fatmir Hyseni alias Doçja
Albert Zaja
Valter Bami
Durim Bami
Astrit Avdylaj
Altin Avdylaj
Plaurent Dervishaj
Endrit Dokle
Xhevi Ndoka
Visi Pojës
Deri tani mësohet se Prokuroria e Posaçme ka mundur të zbardhë disa vrasje në zonën e Durrësit, Fushë Krujës dhe Lezhës, por edhe në Tiranë.
Mbetet për t’u parë se cilat janë këto ngjarje, ndërsa ky operacion është ndër më të mëdha të viteve të fundit, kundër krimit të organizuar në vend.
