SPAK ka shpallur një komunikatë zyrtare mbi akuzat e ngritura ndaj ish-kreut të Autoritetit Rrugor Shqiptar (ARRSH), Ervis Berberi, dhe kreut aktual Gentjan Gjyli, së bashku me tre individë të tjerë, Erald Elezi, Jetmira Dervishi dhe Mirzeta Kashnica. Të gjithë ata akuzohen për veprën penale të “Shkeljes së barazisë së pjesëmarrësve në tendera apo ankande publike”.
Ky njoftim vjen si pjesë e hetimit të procedimit penal nr. 136 për vitin 2025, të cilin Prokuroria e Posacme Kundër Korrupsionit dhe Krimit të Organizuar ka nisur në vazhdim të një njoftimi të deritanishëm. Akuzat përfshijnë veprimet e pandehurve në cilësinë e anëtarëve të Komisionit të Vlerësimit të Ofertave, lidhur me procedurën e prokurimit për “Ndërtimin e tunelit të Llogarasë”. Ky tender, i zhvilluar me fonde që arrijnë në mbi 18 miliardë lekë pa TVSH, u hap më 11 dhjetor 2020 dhe më pas u rihap më 22 qershor 2021 pas anulimit të tij.
Gjatë kohës së këtyre veprimeve, të pandehurit mbajnë pozita të larta funksionale. Evis Berberi ishte Drejtor i Përgjithshëm i ARRSH, Erald Elezi mbante postin e Drejtorit të Planifikimit Strategjik dhe Operacioneve, ndersa Gentian Gjyli ishte Drejtor i Ndërtimit dhe Mirëmbajtjes. Jetmira Dervishi dhe Mirzeta Kashnica ishin specialiste të nivelit të lartë në Ministrinë e Infrastrukturës dhe Energjisë.
Akuzat janë ngritur në bazë të nenit 258/2 dhe 25 të Kodit Penal, që lidhen me veprimet e bashkëpunimit për shkeljen e rregullave që sigurojnë barazinë në procedurat e tenderimit publik. Hetimi vazhdon ndërsa SPAK ka theksuar angazhimin e tij për të luftuar korrupsionin në sektorët publikë.
