Sot, bashkia e Lushnjës ka organizuar një ceremoni për të festuar 106-vjetorin e Kongresit të Lushnjës, një ngjarje me rëndësi të madhe në historinë shqiptare. Ceremonia u zhvillua në shtëpinë muze të Kongresit, ku pjesëmarrësit kishin mundësinë të vizitonin dhe të rikujtonin ngjarjet e 21 janarit 1920.
Në këtë aktivitet ishin të pranishëm kryetarja e Bashkisë, Eriselda Sefa, deputetët e PS-së të qytetit, klerikët dhe pasardhës të familjeve që morën pjesë në kongres. Kryebashkiakja Sefa, gjatë fjalës së saj, theksoi rëndësinë e figurave që nismuan këtë kongres dhe bëri një rezyme të ngjarjeve të viteve ’20.
Kongresi, i mbajtur në një moment kritik pas përfundimit të Luftës së Parë Botërore, mblodhi përfaqësues nga të gjitha trojet shqiptare për të mbrojtur pavarësinë, sovranitetin dhe tërësinë territoriale të vendit. Ky takim hodhi themelet e shtetit parlamentar shqiptar, me Sulejman Delvinën si kryeministër të parë të vendit.
Përmes këtij përkujtimi, bashkia e Lushnjës dëshiron të nderojë pasardhësit e atyre që kontribuan në konsolidimin e shtetit shqiptar, duke nxjerrë në pah vlerat dhe rëndësinë e kësaj ngjarjeje në histori.
