Aktorja e serialit “Modern Family”, Sofia Vergara, dhe këngëtari i grupit “Imagine Dragons”, Dan Reynolds, u fotografuan së bashku gjatë një darke në Los Angeles. Sipas raportimit, bëhej fjalë për një takim mes miqsh dhe nuk ka konfirmim për një lidhje romantike midis tyre.
TMZ publikoi të dielën, më 25 tetor, fotografitë nga darka ku morën pjesë Reynolds, 39 vjeç, dhe Vergara, 54 vjeçe, si dhe dy miq të tjerë, përfshirë Anastasia Soare. Në një moment nga takimi, aktorja dhe këngëtari duket se prekën duart, gjest që nxiti interesin e mediave. Megjithatë, një burim për revistën People e përshkroi mbrëmjen si “një darkë miqësore në grup”.
Dalja e përbashkët vjen disa javë pasi People raportoi se Reynolds dhe aktorja Minka Kelly i kishin dhënë fund lidhjes së tyre katërvjeçare. Sipas burimit pranë çiftit, ndarja kishte ndodhur së fundmi. Reynolds dhe Kelly u shfaqën së fundmi bashkë në publik në maj të vitit 2026, në ceremoninë e galasë së Muzeut të Artit Bashkëkohor (MOCA) në Los Angeles, ndërsa u panë për herë të parë së bashku në vjeshtën e vitit 2022 gjatë një darke në të njëjtin qytet.
Jeta sentimentale e Sofía Vergara ka qenë gjithashtu në fokus. Ajo dhe ish-bashkëshorti Joe Manganiello u ndanë në vitin 2023, pas shtatë vitesh martesë. Në janar të vitit 2025, Vergara la të kuptohej se ishte ndarë edhe nga kirurgu ortoped Justin Saliman. Gjatë ceremonisë së ndarjes së çmimeve Golden Globes, ajo i tha emisionit Access Hollywood se për vitin e ri dëshironte “shëndet, para dhe një të dashur”.
Derisa fotografitë dhe reagimet kanë nxitur spekulime, nuk ka asnjë konfirmim zyrtar që mes Vergara-s dhe Reynolds ekziston një marrëdhënie romantike. Raportimet nga TMZ dhe People paraqesin vetëm dokumentimin e një darke dhe deklaratat e burimeve pranë të përfshirëve.
