Një ndërthurje e bujshme e merkatos dhe stolave mund ta çojë Cristiano Ronaldon te PSG. Pra, mund t’i shohim të gjithë bashkë, në të njëjtin ekip: CR7, Messi dhe Neymar. Një ëndërr e mundshme, siç shkruan “Daily Mirror”.
Portugezi duket se është penduar tashmë për zgjedhjen e bërë verën e kaluar, duke u kthyer te Manchester United. 37-vjeçari do të mirëpriste sinjale nga Parisi, veçanërisht nëse Zinedine Zidane pranon të marrë vendin e Mauricio Pochettino, të cilin Sir Alex Ferguson do ta shihte mirë edhe në krye të “Djajve të Kuq”.
Marrëdhëniet mes kampionit portugez dhe trajnerit francez janë të shkëlqyera (falë titujve të shumtë të fituar në Madrid). Ish-ylli i Real Madridit nuk do ta përjashtonte idenë për të luajtur së bashku me rivalin e tij më të madh dhe atë që për disa vite ishte “pasqyra” e tij e parehatshme.
Lionel Messi iu rikthye golit në fitoren e madhe të PSG ndaj Lille dhe Mauricio Pochettino mund të jetë vetëm i kënaqur: “Nuk kam asnjë dyshim, ai është lojtari më i mirë në botë. Aspekti njerëzor është thelbësor dhe ju duhet të përshtateni kur largoheni nga një vend ku ke jetuar për 20 vite.
Më pas ai ndaloi prej COVID-19. I duhet kohë për t’u rikthyer në krye, sonte ishte spektakolar. Ai shënoi, por në të njëjtën kohë entuziazmi i tij ishte i rëndësishëm”.
