Zbardhen detaje të reja për masakrën që ndodhi dy ditë më parë në Shkodër me tre viktima, mes tyre ishte një grua e pafajshme, Flutura Basha që ishte duke udhëtuar me motor me burrin, Bashkim Basha që mbeti i plagosur rëndë.
Gazetari Elton Qyno shkruan se Flutura Basha, është motra e Isa Harushës, ish-oficerit të policisë kufitare në Shkodër, i cili në vitin 2006, ka mbetur i vrarë në një atentat të organizuar në ambientet e lokalit të tij në Shkodër.
Isa Harusha, gjatë viteve 2000-2006, ka qenë komandanti i njësisë policore kufitare “Renxhersat”, të cilët monitoronin vijën ujore të Liqenit të Shkodrës, me qëllim parandalimin e kontrabandës, trafikun e drogës dhe tregtinë e armëve përmes vijës ujore të liqenit që lidh Shqipërinë me Malin e Zi.
