Afati kalimtar i verës në La Liga për sezonin 2026/27 mbylli me shifra të konsiderueshme në hyrje dhe dalje, por dhe me një disbalancë financiare të qartë për emrat kryesorë të kampionatit. Klubet e elitës spanjolle shpenzuan gjithsej 745.28 milionë euro për përforcimin e organikave të tyre, ndërsa arkëtuan nga shitjet e lojtarëve 512.24 milionë euro, çka çoi në një deficit të përgjithshëm të ligës prej mbi 233 milionë euro.
Peshën kryesore të investimeve e mbajtën tre klubet më të mëdha: Real Madrid, FC Barcelona dhe Atlético de Madrid. Së bashku, këto tri ekipe realizuan më shumë se dy të tretat e të gjitha shpenzimeve të ligës. Real Madrid kryesoi listën e blerjeve me 225 milionë euro, i ndjekur nga Barcelona me 174 milionë euro dhe Atlético de Madrid me 123 milionë euro.
Në krahun e arkëtimeve nga shitjet e lojtarëve, Barcelona renditet e para me 104.09 milionë euro, duke qenë i vetmi klub që tejkaloi pragun e 100 milionëve në të ardhura nga largimet. Atlético de Madrid gjeneroi 59 milionë euro nga shitjet, ndërsa Real Madrid arkëtoi 58.50 milionë euro.
Diferenca mes hyrjeve dhe daljeve la të tre titullarët e kampionatit me bilance negative. Deficiti më i thellë rezultoi për Real Madridin, me një mungesë prej 166.50 milionë euro (ndryshim ndërmjet dhënies dhe marrjes së fondeve). Barcelona mbylli merkaton me një bilanc negativ prej 69.91 milionë euro, ndërsa Atlético de Madrid regjistroi një deficit prej 64.00 milionë euro.
Të dhënat tregojnë se investimet e mëdha për forcuar organikat shoqëruan shitje të konsiderueshme, por jo të mjaftueshme për të balancuar shpenzimet e kryera nga klubet kryesore, me pasqyrimin e një diference të përgjithshme negative për kampionatin.
