LUKSEMBURG- Kryministri Edi Rama i është përgjigjur kreut të Partisë Demokratike Sali Berisha, i cili ka tha se nuk do ketë më hapjet të grup-kapitujve për anëtarësimin e vendit tonë në BE. Rama, duke folur nga makina rrugës nga Brukseli për në Luksemburg, tha se pasditen e sotme do të hapet grupkapitulli i tretë për negociatat e Shqipërisë në BE. Ai shtoi se kjo është dëshmi se ne po ecim pa u ndalur në rrugën drejt majës së Shqipërisë 2030.
“Bufi shkoi në Europë bashkë me qirje Dulen dhe as darkë nuk i dhanë më narko-kryeministrit thanë. Ja ku jam, rrugës nga Brukseli në Luksenburg, ku sot pasdite hapet grupkapitulli i tretë i negociatave për në BE, si një tjetër dëshmi kokëfortë që ne po ecim pa u ndalur në rrugën drejt majës së Shqipërisë 2030, zonjë në sallonin kryesor të BE-së. Ky i sotmi është një tjetër stacion që konfirmon që vetëm ne e dimë këtë rrugë dhe sot jemi një hap më pranë objektivit tonë madhor, mbylljes së negociatave të anëtarësimit brenda vitit 2027”, tha Rama.
https://www.facebook.com/plugins/video.php?height=476&href=https%3A%2F%2Fwww.facebook.com%2Fediramaal%2Fvideos%2F1001092038783760%2F&show_text=false&width=267&t=0
