Zonja e Parë e SHBA-së, Melania Trump, dhe djali i saj, Barron, janë vënë në shënjestër të një fushate propagandistike iraniane që qarkullon në rrjetet sociale, raporton New York Post. Videoja propagandistike përmban kërcënime të drejtpërdrejta ndaj tyre, përfshirë udhëzime për ndjekje hap pas hapi dhe referenca të drejtpërdrejta ndaj vrasjes së Zonjës së Parë.
Materiali, i cili synon të nxisë mbështetësit e regjimit të Ajatollahëve, drejtohet kundër lëvizjeve të Melania Trump dhe dokumenton hap pas hapi lëvizjet e saj. Videoja mban sipas raportimeve titullin “Si ta vrasësh Melania Trump” dhe shfaq imazhe të Zonjës së Parë gjatë lëvizjeve me autokolonën presidenciale, si dhe pamje të saj në zona të ndryshme të qytetit të New Yorkut. Pamjet skicojnë rutinën e saj të daljeve, duke u bërë një udhëzues praktik për ndjekjen e saj, ndërsa në përmbajtje përfshihen edhe këshilla të detajuara lidhur me mundësinë e sulmeve.
Në fund të videos përmendet edhe djali i saj, Barron Trump, i cili gjithashtu paraqitet si objektiv i kërcënimeve, duke përfshirë indicione se nuk është i kursyer nga synimet e autorëve të materialit. Një pjesë e mesazhit propagandistik vë në dukje se udhëtimet e saj për blerje mund të jenë “të përshtatshme për operacione globale të luftëtarëve të lirisë”, sipas asaj që transmetohet në video, duke paraqitur daljet e zakonshme publike si mundësi për veprime kundër saj.
Videoja sugjeron gjithashtu përdorimin e një agjenti për të helmuar çdo veshje që Zonja e Parë mund të blejë, një përmbajtje që përbën kërcënim konkret dhe metodat e supozuara për ta realizuar atë. Materiali është shpërndarë në rrjetet sociale dhe ka tërhequr vëmendjen e mediave të huaja, ndër të tjera New York Post, që ka raportuar për përmbajtjen kërcënuese dhe elementet operacionale të tij.
