TikTok është trendi më i fundit për të bërë para, dhe jo thjesht para, por për t’u bërë milionerë.
“Avionë, lule, betejat në rrjet”, këto janë termat që mund t’ju kenë rënë në vesh, e ju nuk i keni dhënë rëndësi, por të tjerët po pasurohen me to.
Mediat e huaja madje kanë zbuluar edhe çmimet e të ashtuquajturave “dhurata” që më pas kthehen në fitime monetare.
Me 30 milionë ndjekës, mund të fitoni nga 18,000 deri në 30,000 dollarë për postim. Pasi një person ka arritur 1000 ndjekës, TikTok do t’ju lejojë të pranoni dhurata nga fansat tuaj gjatë videove tuaja Live.
Dhuratat virtuale janë ikona që variojnë nga pandat tek një mbretëreshë e dramës. Secila prej këtyre dhuratave përfaqëson një shumë të ndryshme dollarësh. Pasi të keni mbledhur dhuratat tuaja, mund t’i shkëmbeni ikonat virtuale me diamante virtuale. Më pas mund t’i përdorni diamantet për të mbledhur para të vërteta duke përdorur PayPal ose një mënyrë tjetër të sigurt pagese.
Ja si variojnë çmimet
Avion 6000$
Emoji tik toku100$
Zemrat 199$
Syzet 199$
Atlete 300$
Varese 400$
Balona me zemra 699$
Makine sportive e kuqe 7000 dollare
Jaht 7499$
Perlat 800$
I përhapur edhe në Shqipëri
Trendi nuk u ka shpëtuar as VIP-ave shqiptarë, në mesin e të cilëve mund të përmendim reperët Noizy e Stresi, aktorin Visjan Ukcenaj, apo dhe personazhe të bërë të famshëm në rrjete sociale.
