ZAMNA Madrid shfaqi një përvojë të lidhur ngushtë mes muzikës elektronike, skenografisë dhe elementeve natyrore, duke vendosur një diskutim mbi mënyrën si festivale mund të organizohen në mënyrë më të përgjegjshme. Eventi, i zhvilluar më 11 shtator në Universidad Autónoma de Madrid, solli në skenë emra si Black Coffee, AMÉMÉ, Argia, Avangart Tabldot dhe Pablo Fierro, ndërsa programi artistik dhe hapësira bashkuan publikun në një atmosferë ku rolin kryesor e luajtën si artistët, ashtu edhe prezenca e pjesëmarrësve.
Mes të pranishmëve ishte moderatori dhe deejay Krist Martiro, i cili në një reel në Instagram ndau përshtypjet e tij nga festivali, por gjithashtu ngriti çështje organizative dhe ambientale. Ai foli për nevojën e reduktimit të plastikës, përdorimit efikas të energjisë dhe promovimit të transportit të qëndrueshëm si pjesë të një qasjeje “të përgjegjshme” ndaj ngjarjeve masive. Kristi lidhi gjithashtu këtë diskutim me konceptin “smoke-free”, pjesë e bashkëpunimit IQOS x ZAMNA, duke theksuar se “Edhe një kulturë smoke-free mund të ndikojë në një ambient më të pastër, me më pak mbetje dhe bishta cigaresh në tokë.”
Ai vuri në dukje rolin e partnerëve të mëdhenj, jo vetëm si sponsorë, por si aktorë që ndikojnë mënyrën e organizimit të aktiviteteve: “Dhe këtu hyjnë dhe brandet e mëdha; jo thjesht si sponsor, por si partnerë që ndikojnë mënyrën si organizohen aktivitetet.” Përmbledhjen e reflektimit e mbylli me pyetjen se si do të matet suksesi afatgjatë i eventeve: “E ardhmja e eventeve nuk është vetëm sa njerëz mund të mbledhësh, është edhe çfarë lë pas.”
Nga ana e partnerëve, Alina Igritskaya, drejtuese marketingu për produktet me ngrohje të duhanit pranë Philip Morris International, theksoi se “Bashkëpunimet më të fuqishme janë ato që ndërtohen mbi vlera të përbashkëta.” Ajo shpjegoi se partnerët duhet të kontribuojnë në krijimin e përvojës duke përcaktuar qartë vlerën që sjellin publikut dhe lidhjen e markës me muzikën, artin dhe dizajnin.
ZAMNA Madrid la hapur diskutimin mbi të ardhmen e festivaleve: përtej programit artistik dhe skenografisë, zgjidhjet konkrete për transportin, energjinë dhe menaxhimin e mbetjeve do të përcaktojnë nëse një festival mund të konsiderohet vërtet i përgjegjshëm.
