Ministria e Jashtme e Shqipërisë i ka kërkuar Rusisë që të ulë tensionet në kufirin me Ukrainën duke theksuar se i qendron pranë këtij shteti.
Përmes një njoftimi për shtyp, Ministria e Jashtme kërkon nga Putini që të zgjidhë krizën përmes rrugëve diplomatike dhe të respektojë sovranitetin territorial të Ukrainës.
“Në këtë situatë të vështirë dëshirojmë të rikofirmojmë edhe një herë mbështetjen e #Shqipërisë ndaj sovranitetit dhe integritetit territorial të #Ukrainës. Ne ripërtërijmë thirrjen tonë për #Rusinë që të ulë tensionet dhe të zgjidhë situatën në mënyrë diplomatike”, shkruan Ministria e Jashtme e Shqipërisë.
Ky është reagimi i dytë në pak ditë i autoriteteve shqiptare mbi krizën në Ukrainë, ndërsa dy ditë më parë kërkuan nga shtetasit shqiptarë që të mos udhëtonin atje ose ata që ishin të ktheheshin në mënyrë të menjëhershme.
Ushtria ruse është pozicionuar vetëm disa kilometra nga kufiri ukrainas dhe kërkon nga NATO dhe Kievi që të japin garanci që vendi nuk do të anëtarësohet në organizatë.
![Arrestohet 31-vjeçari pas gjashtë muajsh hetim për shpërndarje kanabisi në Fier
Hetimet për aktivitetin kriminal të tregtisë së narkotikëve vazhdojnë të japin rezultate, ku Sektori për Hetimin e Narkotikëve, në bashkëpunim me Prokurorinë dhe Forcën e Posaçme Operacionale të DVP Fier, ka finalizuar operacionin policor të koduar “Target”. Ky operacion u udhëhoq për gjashtë muaj duke përdorur metoda speciale hetimi. Arrestohet […]](https://timoni.al/wp-content/uploads/2026/01/Arrestohet-31-vjecari-pas-gjashte-muajsh-hetim-per-shperndarje-kanabisi-ne-120x86.png)
