Shpërthimi në fabrikën e peshkut në Prevezë, një shqiptar dhe një grek digjen për së gjalli, trupi i viktimës u gjet i ndarë në dysh

Në foto Gjerasimos Faturos, 39-vjeçari grek që vdiq nga shpërthimi

Detaje të reja kanë dalë në lidhje me tragjedinë që tronditi Greqinë këtë të diel, nga shpërthimi i gazit në një fabrikë peshku në Prevezë.

Protothema.gr raporton se një shqiptar dhe një grek kanë ,mbetur të vdekur në vend nga shpërthimi i fuqishëm.

Ndërkohë mësohet se një grek ka marrë lëndime të rëndë, e për pasojë është dërguar në spital.

Ndërsa emigrant shqiptar mësohet se ka qenë 40 vjeç.

Gjithçka ka ndodhur në pak minuta dhe askush nuk mund t’i thotë me siguri shkaqet, por informacionet e para ‘flasin’ për një shpërthim në një gaz.

Shpërthimi ka qenë aq i fuqishëm sa ka nxjerrë nga banesa edhe banorët e zonës që kanë dëgjuar gjithë çfarë ka ndodhur. Forcat zjarrfikëse dhe Policia janë ende në vendngjarje.