Kryetari i Partisë Demokratike, Lulzim Basha ka reaguar pas shpërthimit eksploziv në banesën në Durrës të kreut të FSHF-së, Armand Duka.
Nëpërmjet një postimi në rrjetet sociale, Basha shkruan se zhvillimet në FSHF tregojnë degradimin e pushtetit që kërkon të zaptoj çdo institucion.
Basha i bën thirrje drejtësisë që të nis regj hetimet për tritolin në banesën e Dukës, ndërsa thotë se ngjarja është kulmimi i tensioneve që po kalon FSHF për shkak të zgjedhjeve.
“Zhvillimet rreth FSHF-së, tregojnë edhe njëherë degradimin e një pushteti të korruptuar që qëllim të vetëm ka zaptimin me çdo mjet, të çdo institucioni. Strategjia e tensionit e shpalosur ditën e sotme, që kulmoi me eksplozivin e vendosur këtë mbrëmje në banesën e familjes Duka duhet të ndërpritet me urgjencë dhe drejtësia të mos qëndrojë duarkryq”,-shkruan Basha./
