Një shpërthim i fuqishëm tritoli ka tronditur Lushnjën mbrëmjen e sotme. Nga informacionet paraprake shpërthimi me tritol ka ndodhur në një banesë në lagjen “18 Tetori”.
Banesa është në pronësi të shtetasit Arben Turku, i cili ndodhet në emigrim, ndërsa aktualisht në banesë jeton Altin Lamçe, tregtar në tregun e fruta-perimeve.
Tritoli dyshohet se është hedhur nga autorët në ecje, nga rruga drejt oborrit të shtëpisë. Si pasojë e shpërthimit janë thyer xhamat dhe dyert e kësaj banese.
Nga ngjarja nuk ka persona të lënduar, por vetëm dëme materiale. Në vendngjarje ka shkuar policia dhe grupi hetimor, që kanë nisur hetimet për zbardhjen e plotë të shkaqeve të kësaj ngjarjeje.
