Një shpërthim me tritol është regjistruar mbrëmjen e sotme në Lushnje. Mësohet se tritoli ka shpërthyer në banesën e Altin Lamçe, tregtar në tregun e fruta-perimeve. Banesa është në pronësi të shtetasit Arben Turku, i cili ndodhet në emigrim por aktualisht në banesë jeton tregtari Altin Lamce.
Kjo është hera e tretë që banesës së tij i vihet tritol. Sakaq policia ndodhet në vendin e ngjarjes për të zbardhur rrethanat. Ende nuk ka një njoftim zyrtar nga policia për ngjarjen.
Kujtojmë se, një shpërthim i fuqishëm tritoli ka tronditur Lushnjën në nëntor të vitit të kaluar. Tritoli ishte vendosur në banesën në pronësi të shtetasit Arben Turku, i cili ndodhet në emigrim, ndërsa aktualisht në banesë jeton Altin Lamçe, tregtar në tregun e fruta-perimeve.
Tritoli dyshohet se është hedhur nga autorët në ecje, nga rruga drejt oborrit të shtëpisë. Si pasojë e shpërthimit janë thyer xhamat dhe dyert e kësaj banese.
Nga ngjarja nuk ka persona të lënduar, por vetëm dëme materiale. Në vendngjarje ka shkuar policia dhe grupi hetimor, që kanë nisur hetimet për zbardhjen e plotë të shkaqeve të kësaj ngjarjeje.
