Shkrumbohet një banesë në Pukë/ Asnjë i lënduar, besohet se shkaku është një shkëndijë elektrike

Një banesë është përfshirë nga flakët në lagjen “Haxhiaj” të njësisë administrative Gjegjan, në Pukë. Ndërhyrja e shërbimit zjarrfikës ka hasur vështirësi për shkak të terrenit të vështirë dhe largësisë nga qendra e bashkisë. Si pasojë e zjarrit, banesa e familjes Ndoj është djegur plotësisht. Fatmirësisht, raportohet se nuk ka pasur persona të lënduar, por 5 anëtarët e familjes kanë mbetur pa strehë. Dyshohet se shkaku i zjarrit është një shkëndijë elektrike.