Shkolla e Magjistraturës zhvilloi sot fazën e parë të provimit të pranimit për vitin akademik 2026-2027. Në provim u paraqitën 264 konkurrentë. Procesi u zhvillua rregullisht dhe nën monitorim, bazuar në Rregulloren e Brendshme të Shkollës.
Vlerësimi i provimit u krye në sallë, me anë të pajisjes scan tron, në prani të konkurrentëve. Nga ky vlerësim rezultoi se 172 konkurrentë arritën të kalonin pragun e nevojshëm prej 60 pikësh për të vijuar konkurrimin në fazën e dytë.
Mes atyre që kaluan fazën e parë të provimit janë Rezart Hana, djali i prokurorit Xhevat Hana, dhe Altin Mena, ish-drejtori i policisë së Lezhës.
