Presidenti Vladimir Putin, ka bërë rekrutimin e 35 mijë të burgosurve, përfshirë përdhunues, vrasës dhe shtatë kanibalë, të cilët janë dërguar në luftë në Ukrainë.
Rekrutët e rinj do të lirohen nga akuzat dhe të jetojnë të lirë nëse arrijnë të mbijetojnë luftës dhe fushëbetejave në Ukrainë.
Këtë javë, kreu i Ëagner, Yevgeny Prigozhin, nga ushtria private e Putinit, vizitoi ish-kampin e të burgosurve Gulag në lindje të Siberisë. Synimi është rekrutimi i sa më shumë të burgosurve nga institucionet e tjera të vuajtjes së dënimit.
Nga informacionet e publikuara, dyshohet se Kremlini po i shfrytëzon të burgosurit pasi ku shumë prej tyre kanë humbur jetën sa kanë mbërritur në fushëbetejë.
Rekrutimi i të burgosurve për vepra shumë të rënda penale, po shihet si një dëshmi se Rusisë po i mungon personeli profesionistë ushtarakë.
Kujtojmë se ushtria ruse ka pësuar humbje të mëdha si në njerëz ashtu dhe në pajisje luftarake, duke u detyruar të shpallë mobilizimin e pjesshëm ushtarak, si dhe duke përfshirë në radhët e ushtrisë persona me precedentë të rëndë kriminal.
