Ekuador- Mediat vendase të Ekuadorit po raportojnë se vendi i tyre po kalon një valë dhune të pazakontë. Kështu, pak përpara vrasjes së Ergys Dashit në Guajakil, në këtë qytet u shënuan 11 viktima brenda 11 orëve.
“Për të kuptuar dhunën që po kalon Ekuadori, duhet të marrim në konsideratë një element kryesor në betejën për trafikun e drogës: mafian shqiptare,” shkruan “Que Noticias”.
Sipas portalit, autoritetet thonë se kjo mafie ka mbërritur në Ekuador duke nisur nga viti 2014. Vrasja e Ergys Dashit në një restorant në Guajakil, një person pa precedentë kriminalë në Ekuador, ka ngritur pikëpyetje për mënyrën se si operon mafia shqiptare nga Ekuadori.
Së pari, shqiptarët e zgjedhin këtë qytet pasi është porti kryesor i Ekuadorit. Prej këtu, droga niset drejt Shqipërisë e më pas shpërndahet në Europë.
Portali shkruan se shqiptarët mund të futen me lehtësi në Ekuador pasi nuk kanë nevojë për vizë. Jo vetëm kaq, por shumica e tyre futen me identitet të rremë.
Në Ekuador janë aktualisht 3 mijë shqiptare, shkruan portali “Nëse një ngarkesë nuk shkon në destinacion, atëherë kemi vrasje,” thotë ajo.
Mafia shqiptare e ka të lehtë edhe komunikimin pasi shumica e tyre dinë italisht dhe e kanë të lehtë të mësojnë spanjisht.
Ndërkohë autoritetet thonë se mafia shqiptare është shumë e dhunshme dhe bazohet te lidhjet klanore dhe fisnore.
Autoritetet thanë për portalin se po përpiqen që të luftojnë këtë mafie, që mbetet arsyeja themelore se përse rrugët e Ekuadorit janë mbushur me gjak.
