Në një periudhë kur rritja e çmimeve, si pasojë e përmbytjeve në fillimviti dhe më pas e efektit zinxhir të konfliktit në Lindjen e Mesme, arkë e shtetit regjistroi performancë të mirë në mbledhjen e të ardhurave, me ndikimin kryesor të TVSH-së. Ministria e Financave raporton se për tremujorin e parë të vitit u mbledhën 205.1 miliardë lekë nga tatimet dhe taksat, një rritje prej 24 miliardë lekë në raport me të njëjtën periudhë të vitit 2025, ose rreth 13.3% më shumë.
Nga 77.7 miliardë lekë të ardhura tatimore totale për këtë periudhë, 25.2 miliardë lekë erdhën nga tatimi mbi vlerën e shtuar, një rritje prej 19.4% krahasuar me vitin e kaluar. Rritja e TVSH-së i atribuohet kryesisht inflacionit të çmimeve, veçanërisht të karburanteve dhe produkteve bujqësore, të cilat u rritën pas konfliktit në Lindjen e Mesme; rritja e çmimeve shoqërohet me rritjen e TVSH-së së paguar nga konsumatorët.
Të ardhurat nga tatimi mbi fitimin u rritën gjithashtu, duke arritur në 19.6 miliardë lekë. Kontribuim pozitiv dhanë edhe të ardhurat nga sigurimet shoqërore e shëndetësore, ndërsa reforma kundër informalitetit vazhdoi në 2026, duke ndikuar në rritjen e të ardhurave.
Sa i përket doganave, të ardhurat nga kjo degë arritën 52.9 miliardë lekë, ku TVSH-ja në import mban peshën më të madhe me 35.3 miliardë lekë, e ndjekur nga akcizat dhe taksat doganore.
Në anën e shpenzimeve, shpenzimet publike për tremujorin e parë të vitit 2026 arritën rreth 156 miliardë lekë, me realizim në masën 92.9% të planit të periudhës. Të dhënat i përkasin raportit të Ministrisë së Financave.
