Shtatë persona humbën jetën të mërkurën, 19 gusht, pas rrëzimit të një helikopteri pranë malit Ololokwe, në Qarkun Samburu, në veri të Kenias. Autoritetet njoftuan se në bord ndodheshin gjashtë turistë dhe piloti; identitetet e viktimave nuk janë bërë ende publike.
Dëshmitarë në zonë përshkruan momentet pas rrëzimit në luginën malore, duke raportuar tym dhe zjarr në vendngjarje. Banorët e zonës dhe ekipet e shpëtimit u nisën menjëherë për të ofruar ndihmë. Një helikopter shpëtimi i kompanisë Air Tropic mbërriti në vendngjarje për të mbështetur operacionet e shpëtimit.
Autoriteti i Aviacionit Civil të Kenias (KCAA) konfirmoi incidentin dhe njoftoi nisjen e një hetimi për të përcaktuar rrethanat dhe shkaqet e rrëzimit. Sipas njoftimit të KCAA, proçedurat hetimore janë duke u zhvilluar për sqarimin e faktorëve që çuan në aksident.
Në mediat sociale u shpërndanë raportime dhe video të hershme nga vendngjarja; disa postime raportuan se nuk kishte mbijetuar, ndërsa një tjetër transmetim shënjonte se helikopteri po udhëtonte drejt Ewasonyiro nga parku Loisaba në momentin e aksidentit. Këto përmbajtje kishin qarkullim të shpejtë në platforma sociale, por autoritetet zyrtare kanë njoftuar hetimin e ngjarjes për verifikimin e rrethanave.
Ekipet lokale dhe emergjence vijuan punën në vendin e aksidentit ndërsa hetimi i KCAA mbetet në proces për të përcaktuar shkakun e rrëzimit. Identitetet e të vdekurve dhe detaje të tjera operacionale nuk janë bërë të ditura nga autoritetet deri më tani. Top Channel.
