Një ngjarje rëndë u shënua ditën e sotme në Kinë, ku një avion që transportonte 133 persona u rrëzua në malet e Kinës.
Aksidenti i parë fatal ka ndodhur më 8 dhjetor 1972, kur Fluturimi 553 i United Airlines u rrëzua gjatë përpjekjes për ulje, duke u marrë jetëen 45 personave. Ndërsa aksidenti më i rëndë është shënuar më 29 tetor 2018, ku mbetën viktima 189 persona pas rrëzimit të avionit në detin Java, menjëherë pas ngritjes për fluturim.
Më poshtë gjeni një listë me aksidentet fatale të avionëve ‘Boeing’.
-29 shtator 2006: Avioni ‘737-800’ që transportonte 154 persona, përplaset në ajër me një avion ‘Embrear Legacy 600’. Të gjithë pasagjerët vdiqën.
-5 maj 2007: Avioni me 108 pasagjerë dhe gjashtë anëtarë të ekuipazhit humbi kontaktin dhe u rrëzua në një moçal, gjatë një fluturimi për në Nairobi, Kenia nga Abidjan, Bregu i Fildishtë, pasi bëri një ndalesë të planifikuar në Douala, Kamerun. Nuk kishte të mbijetuar.
-25 shkurt 2009: Avioni që ishte nisur nga Stambolli, u rrëzua në një fushë pranë Polderbaan ndërsa përpiqej të ulej në aeroportin Schiphol të Amsterdamit. Trupi i avionit u thye në tre pjesë pas përplasjes dhe shtyllat e motorit u ndanë. Nga 135 pasagjerët dhe ekuipazhi, pati nëntë viktima: pesë pasagjerë dhe katër anëtarë të ekuipazhit (duke përfshirë të dy pilotët dhe një pilot në trajnim).
-25 janar 2010: Avioni u rrëzua në Detin Mesdhe pak pas ngritjes nga Aeroporti Ndërkombëtar i Bejrutit Rafic Hariri . Në bord kishte 90 pasagjerë dhe 8 anëtarë të ekuipazhit.
-22 maj 2010: Avioni kapërceu pistën në ulje në Aeroportin Ndërkombëtar Mangalore, 158 pasagjerë, përfshirë gjashtë anëtarë të ekuipazhit në bord, vdiqën. Fatmirësisht, kishte tetë të mbijetuar.
-16 gusht 2010: Avioni u rrëzua dhe u nda në tre pjesë në ishullin kolumbian të San Andres. Aksidenti pati 2 viktima.
-19 Mars 2016: Avioni që fluturonte nga Dubai, Emiratet e Bashkuara Arabe për në Rostov-on-Don, Rusi, u rrëzua pranë aeroportit Rostov-on-Don teksa bëhej gati për ulje, për shkak të motit të keq. 62 personat që ishin në bord vdiqën.
-17 Prill 2018: Avioni bëri një ulje emergjente në Aeroportin Ndërkombëtar të Filadelfias pas një dështimi të motorit gjatë fluturimit të motorit të majtë.
-8 janar 2020: Fluturimi 752 i Ukraina International Airlines i drejtuar nga një ‘Boeing 737’, u rrëzua pak pasi u ngrit nga Aeroporti Ndërkombëtar Imam Khomeini në Teheran , Iran, me destinacion Kiev , Ukrainë. Nuk kishte asnjë të mbijetuar mes 167 pasagjerëve dhe 9 anëtarëve të ekuipazhit.
-5 shkurt 2020: Avioni, në një fluturim nga ?zmiri, rrëshqiti nga pista në Aeroportin Ndërkombëtar Sabiha Gökçen të Stambollit përpara se të ndahej në tre pjesë, duke lënë 3 të vdekur dhe 179 të plagosur.
-7 gusht 2020: Fluturimi i Air India Express 1344, i operuar nga një ‘Boeing 737’, kapërceu pistën gjatë uljes në shi të dendur dhe u përplas në një grykë në Aeroportin Ndërkombëtar të Calicut. Të dy pilotët dhe 18 pasagjerët në bord vdiqën.
