Interi ka përjetuar një fillim të papritur në fazën play-off të Champions League, duke u mposhtur 3-1 nga Bodo/Glimt në Norvegji, skuadër debutuese në këtë kompeticion. Pavarësisht shqetësimeve për gjendjen e fushës, ndeshja vazhdoi normalisht.
Në minutën e 20-të, Bodo/Glimt kaloi në avantazh me golin e Sondre Fet, por Interi reagoi shpejt dhe barazoi në 1-1 me Pio Esposito vetëm 10 minuta më vonë. Pas një pjesë të parë të ekuilibruar, skuadrat shkuan në pushim me rezultat të barabartë.
Në pjesën e dytë, Bodo/Glimt e rifreskoi avantazhin duke gjetur golin e dytë me Hauge në minutën e 61. Duket se telashat për Interin nuk kishin përfunduar, dhe tre minuta më vonë, Hogh shënoi për 3-1, duke i dhënë një goditje të fortë zikaltrëve.
Pas kësaj humbjeje, Interi do të kërkojë përmbysje një javë më vonë në “San Siro”, për të arritur në fazën tjetër të kompeticionit të rëndësishëm evropian.
REZULTATI:
Bodo/Glimt 3-1 Inter
Golat: Fet 20’, Hauge 61’, Hogh 64’ / Esposito 30’
Ndeshja shënon një sfidë të vështirë për ekipin italian, i cili do të duhet të japë maksimumin në ndeshjen e kthimit për të shpresuar në avancimin e mëtejshëm në Champions League.
