Shqipëria do të luajë mbrëmjen e sotme ndeshjen e parë miqësore të marsit, atë kundër Kilit. Sfida që do të zhvillohet në Parma, do të startojë në orën 20:45. Sylvinho ka vendosur për lojtarët që do ta nisin nga minuta e parë këtë sfidë.
Në portë do të jetë Thomas Strakosha, ndërsa mbrojtja përbëhet nga katërshja Mitaj, Mihaj, Gjimshiti dhe Hysaj. Në mesfushë janë dy lojtarë të Serie A, si Kristjan Asllani dhe Ylber Ramadani.
Risi në këtë 11-she është rikthimi i Rey Manajt, që do të mbështetet në repartin e sulmit nga Taulant Seferi dhe Jasir Asani.
Më poshtë do të njiheni me formacionin zyrtar të Shqipërisë në ndeshjen përballë Kilit.
SHQIPËRIA: Strakosha, Mitaj, Gjimshiti, Mihaj, Hysaj, Ramadani, Asllani, Bajrami, Seferi, Asani, Manaj.
