Qarku i Shkodrës ka përjetuar reshje me intensitet mesatar gjatë natës, por situata në territorin e tij paraqitet e qetë. Në shumicën e bashkive, si Shkodër, Malësi e Madhe dhe Pukë, nuk janë raportuar problematika të mëdha me energjinë elektrike apo qarkullimin rrugor. Megjithatë, disa fshatra në njësitë administrative të Vig-Mnelës dhe Shllakut kanë mungesë energjie elektrike, ndërsa autoritetet lokale po punojnë për mirëmbajtjen e rrugëve të dëmtuara. Nivelet e lumenjve janë poshtë kuotave të rrezikut, dhe hidrovoret funksionojnë normalisht.
Përsa i përket situatës në bashkitë e ndryshme të Qarkut Shkodër:
-
Bashkia Shkodër: Situata është e qetë; nuk ka probleme me energjinë elektrike, dhe reshjet e natës nuk kanë sjellë problematika.
-
Bashkia Malësi e Madhe: Reshjet kanë vazhduar me intensitet mesatar, pa probleme të raportuara. Në rrugën që lidh fshatin Kamicë (njësia administrative Qendër) po planifikohet hedhja e zhavorrit për riparime.
-
Bashkia Vau Dejës: Reshjet vazhdojnë me intensitet mesatar dhe ka mungesë energjie elektrike në fshatrat e njësive administrative Vig-Mnelë dhe Shllak.
-
Bashkia Pukë: Në këtë bashki, reshjet e dëborës po vazhdojnë, pa problematika të evidentuara.
-
Druk Lezhë: Gjatë 24 orëve të fundit kanë rënë rreth 35 mm reshje shiu. Nuk ka probleme në funksionimin e kanaleve të kullimit, argjinaturave, dhe digës së rezervuarit. Nivelet e ujit në lumenjtë, përfshirë Buna dhe Drin, janë poshtë kuotave të rrezikut, dhe hidrovoret e Velipojës po funksionojnë normalisht.
-
DRV Shkodër: Nuk raportohet asnjë problem me qarkullimin rrugor në akset që administrohen nga ky drejtori.
Situata në Qarkun e Shkodrës mbetet nën monitorim dhe autoritetet janë të angazhuara për të siguruar normalitetin në shërbime dhe infrastrukturë.
