Kylian Mbappe është në dyshim për ndeshjen me Benficën, që do të zhvillohet të mërkurën në ‘Santiago Bernabeu’, për një vend në 1/8 e finaleve të Ligës së Kampioneve. Sulmuesi francez ka probleme me gjurin e majtë, që daga janari, dhe nuk arriti të përfundojë stërvitjen e ditës së martë në Valdebebas. Ky zhvillim krijon shqetësime për trajnerin e Real Madridit, Álvaro Arbeloa, pasi Mbappe është goleadori më i mirë i skuadrës.
Edhe pse Reali ka një avantazh nga ndeshja e parë, e fituar 1-0 në Da Luz, mungesa e Mbappes do të ndikonte në strategjinë e ekipit. Në rast se ai nuk do të ishte në gjendje të luante, Arbeloa mund të mbështetet te Gonzalo Garcia, siç ndodhi më 14 shkurt ndaj Real Sociedad, kur Mbappe u zëvendësua për të njëjtën arsye. Çfarëdo informacioni për statusin e tij do të bëhet i ditur vetëm një orë përpara ndeshjes, kur Arbeloa të shpallë formacionin zyrtar.
Real Madrid, megjithatë, mbetet optimist se do të arrijë të avancojë më tej në kompeticion.
