Kryeministri Edi Rama, përpara samitit në Dublin, komentoi rolin e diplomacisë europiane lidhur me luftën në Ukrainë dhe tha se Europa ia ka lënë këtë përgjegjësi presidentit amerikan Donald Trump. Rama paralajmëroi se kjo qasje do të ketë një kosto gjithnjë e më të lartë nëse Europa nuk rikthehet te dialogu me Rusinë, ndërkohë që vazhdon mbështetjen për Ukrainën.
Në një shkëmbim me gazetarët, kur u pyet nëse po sugjeronte që të caktohej dikush që të flasë, Rama u përgjigj se nuk po sugjeron asgjë. Ai theksoi se, sipas tij, “nuk duhet të flasim, nuk duhet të tregojmë me gisht kur gishti drejtohet nga Hëna.” Rama tha gjithashtu se “Çështja është që Europa e ka jashtë kontraktuar diplomacinë e saj tek Doland Trump dhe ky është rezultati.” Nga ky pozicion, ai nënvizoi se Europa duhet të kuptojë se ky gabim ka një çmim, i cili do të bëhet gjithnjë e më i lartë e i kushtueshëm nëse Europa nuk sprapset për të folur me Rusinë, ndërkohë që vazhdon të mbështesë Ukrainën.
Rama argumentoi se kjo duhet të bëhet sepse, sipas tij, ky është “cikël i historisë ku Europa ka qenë e jashtëzakonshme dhe ka bërë atë çka duhet bërë.” Ai përfundoi duke theksuar nevojën për të vepruar në mënyrë që të mos lejohet që agresioni të imponojë “vullnetin e vet mizor në Ukrainë.”
Deklaratat u bënë gjatë një prononcimi në Dublin, para samitit, dhe u transmetuan nga Top Channel.
