Kryeministri Edi Rama, në fjalën e tij në Asamblenë e Partisë Socialiste në Elbasan, u shpreh për ndikimin e opozitës në procesin e anëtarësimit në Bashkimin Europian, duke thënë se vakumi i krijuar nga një “opozitë zyrtare” që e përshkroi si “një katastrofë ambulante” mund të mbushet me negativitet dhe të pengojë rrugën drejt BE-së. Ai theksoi se çështja nuk është aritmetike dhe se zgjedhjet vendore të vitit të ardhshëm, megjithëse me rëndësi, nuk vënë në pikëpyetje shumicën e PS-së prej 83 mandateve, por mund të ndikojnë në motivimin dhe përgjegjësinë e anëtarëve të partisë. Për këtë arsye, Rama kërkoi afrimin më të madh me anëtarësinë dhe dialog më të gjerë rreth çështjeve të mëdha politike dhe shoqërore, si dhe komunikim me të gjithë që të ndihen krenarë për pjesëmarrjen në “këtë familje politike”, pavarësisht situatave personale të ndryshme.
Ai nënvizoi përgjegjësinë e Partisë Socialiste për të mbajtur në shpatullë procesin e integrimit, duke rikthyer shqetësimet që janë dëgjuar publikisht si “u bllokuan negociatat”. Rama argumentoi se shpjegimi duhet të jepet përmes dialogut me qytetarët, pasi synimi është realizimi i “pasaportës së Bashkimit Europian për çdo shqiptar”. Për të arritur këtë, sipas tij, nevojitet forcë dhe një mandat i fortë.
Si provë të përparimit ligjor, Rama përmendi se deri në fund të janarit qeveria kishte miratuar 27 ligje që i shërbejnë procesit të negociatave dhe përputhjes së legjislacionit me standardet e BE-së, prej të cilave 7 u votuan me 84 vota. Ai argumentoi se pa këto vota procesi do të ishte bllokuar, pasi parlamenti do të mund të pengohej edhe me taktika të tjera dhe kërkesa që, sipas tij, do të ndalonin avancimin. Për këtë arsye ai insistoji në rëndësinë e votave që u dhanë, duke theksuar se miratimet nuk ishin për “karrige”, por për forcën që ato vota ofrojnë në Parlament për të realizuar negociatat.
