Kryeministri Edi Rama ka mbajtur sot nga Washingtoni një bashkëbisedim me gazetarët shqiptarë, pas takimeve të djeshme me Sekretarin e Shtetit, Antony Blinken.
Rama foli në lidhje me raportin me Rusinë, ku tha qartë se Shqipëria nuk mund ta trajtojë këtë si një shtet armik.
Rama:
Ajo për të cilën unë jam krenar është se në atë tryezë ndihemi të barabartë.
Ne nuk kemi asnjë problem tonin me Rusinë, Rusia nuk është një vend armik, nuk është një vend kundërshtarë, dhe unë e kam thënë në çdo instancë. Është një vend konkurent për arsye të njohura të gjeopolitikës.
Edhe gjatë kohës që ne drejtonim OSBE unë kam pasur takime me ambasadorin rus, dhe çdo rast për komunikim, për dialog, për bisedime duhet shfrytëzuar maksimalisht.
Ne jemi pozicionuar shumë qartë dhe pa asnjë ekuivok në krah të SHBA dhe partnerëve perëndimorë, kur na kërkohet mendimi ne e japim mendimin tonë, dhe dëgjohemi me respekt.
Ne kemi disa qytetarë shqiptarë që kontribuojnë në misionin e monitorimit të OSBE, ata do të vazhdojnë që të qëndrojnë atje.
