Kryeministri Edi Rama përmes një postimi në rrjetin social Facebook, njofton se 734 mijë turistë kanë vizituar Shqipërinë gjatë muajit mars, ose ndryshe 91% më shumë se marsi i vitit të kaluar. Ai thotë se mbi 1.7 milionë turistë të huaj kanë vizituar vendin gjatë tre muajve të parë të vitit.
“MBI 1,7 MILIONË TURISTË TË HUAJ na kanë vizituar gjatë tre muajve të parë të vitit 2024, duke vendosur një rekord të ri për industrinë tonë të re të mikpritjes 734 MIJË VIZITORË e shijuan Shqipërinë gjatë muajit mars, ose 91% MË SHUMË se marsi i vitit të shkuar, duke shenjuar në shifra një progres të madh, të cilit duhet t’i përgjigjemi me standarde gjithnjë e më të larta mikpritjeje, duke bashkuar forcat për shërbime publike e private të nivelit më të mirë”, shkruan Rama.
