TIRANË- Kryeministri Edi Rama, ka mobilizuar strukturat e partisë për zgjedhjet e pjesshme në Tiranë. Gjatë fjalës së tij në selinë rozë, Rama u kërkoi deputetëve që të mobilizohen dhe të përfshihen drejtpërdrejt duke marrë pjesën e tyre të përgjegjësisë mbi shpatulla sipas territoreve. Kryeministri gjithashtu ka paralajmëruar se patronazhistët janë gati të hakmerren.
“Deputetët do të mobilizohen që të përfshihen drejtpërdrejt duke marrë pjesën e tyre të përgjegjësisë mbi shpatulla sipas territoreve, zonave, njohjeve që kanë. Duke mos pasur asnjë dyshim për këtë, nuk kam asnjë dyshim që patronazhistët mezi po presin që të hakmerren ndaj përqeshjeve të radhës me një reagim të duhur, i cili do të pasqyrohet në rezultatin e ditës së zgjedhjeve për Bashkinë e Tiranë kur ato të mbahen sipas procedurave, se nuk e vendosim ne ditën e zgjedhjeve,” tha Rama.
