Vazhdon situata problematike në aksin rrugor Maliq–Lozhan–Strelcë, e cila ndikohet nga rrëshqitjet e dherave. Në disa segmentet e këtij aksi janë evidentuar çarje në trupin e rrugës, ndërsa në anët e saj janë regjistruar rrëshqitje dherash që kanë dëmtuar strukturën, duke rritur rrezikun për qarkullimin e mjeteve.
Kjo situatë ka shkaktuar shqetësim mbi qëndrueshmërinë e punimeve dhe sigurinë e këtij aksi, veçanërisht pas dëmtimeve të mëdha që ndodhën vetëm tri ditë më parë. Dëmtimi i barrierës mbrojtëse dhe rrëshqitja e dherave në kilometrin e 13 kanë theksuar nevojën për një vlerësim të shpejtë dhe ndërhyrje emergjente.
Autoritetet përkatëse duhet të marrin masa për të siguruar ndihmën e nevojshme dhe për të garantuar sigurinë e kalimtarëve, pasi kjo situatë ka potencial për të shkaktuar aksidente të rrezikshme. Një vëmendje e shtuar ndaj kësaj problemi është e domosdoshme, për të shmangur komplikime të mëtejshme dhe për të ruajtur integritetin e infrastrukturës rrugore.
