Kryetari i Partisë Demokratike, Sali Berisha, gjatë mbledhjes së Grupit Parlamentar të kësaj force politike ka falenderuar të gjithë demokratët dhe simpatizantët që votuan në Primare.
E teksa të gjithë kandidatët për Bashkitë e vendit kanë dalë, Berisha tha se këto Primare nuk ishin të përsosura, mirëpo gabimet e bëra do shërbejnë për ti përmirësuar raundet e tjera të zgjedhjeve.
Ndonëse vetë shprehet se është kategorisht lobimeve, Berisha tha se kjo është pjesë e procesit dhe kandidati që në fillim duhet të dijë që rivali i tij do të mbledhe grupe dhe njerëz për të krijuar një ipakt sa më pozitiv për kandidaturën e tij.
“Nuk ishin të përsosura por praktika e fituar me këto primare problematikat e dalura janë një pasuri e çmuar për ne për ti përsosur ato në raundet e tjera të zgjedhjeve. Pra, jo mos tërhiqemi prej tyre po përkundrazi të bëjmë gjithçka që kjo praktikë të bëhet të konsolidohet transparente e ndershme e barabartë për kandidatët.
Dua t’ja u them këtu jemi në hapat e para dhe normale ndjeshmëritë, por gradualisht anëtarët simpatizantët e PD duke lexuar për këtë proces do të gjejnë se lobimi ndonëse unë personalisht nuk e këshilloj dhe mbështes por është abolutisht pjesë konstatnte e procesit. E them këtë sepse secili që merr përsipër të garojë duhet të dijë që rivali i tij do të mund të mobilizojë persona, grupe personalitete të partisë jashtë partisë për të krijuar një impakt sa më pozitiv për kandidaturën e tij dhe për këtë duhet të mesohemi.
Si kundër persona grupe kanë të drejtën të lobojnë për kandidatin që duan. Këto janë të para dhe nuk besoj që kryetari i partisë dueht të lobojë, jo drejtuesit e partisë nuk duhet të lobojnë pasi kjo do ta dëmtonte barazinë”, tha Berisha.
