Aston Villa ka regjistruar një fitore domethënëse në Premier League, duke mposhtur Manchester United me rezultatin 2-1 në Villa Park. Nën drejtimin e trajnerit Unai Emery, skuadra e Aston Villës shpreson për pozita më të larta në klasifikimin e kampionatit.
Ndeshja filloi me Aston Villën që krijoi mundësi sulmi në gjysmëfushën e Manchester United. Megjithatë, djajtë e kuq filluan të marrin besim dhe të krijojnë raste, përpara se Aston Villa të shënonte golin e parë në minutën e 45 me Rogers, pas një asistimi të McGinn.
Reagimi i Manchester United nuk vonoi dhe në minutën e 48, Mateus Cunha barazoi rezultatin. Pjesa e parë mbyllet me barazim 1-1. Pjesa e dytë nisi me United që kërkonte zotërimin e lojës, por Aston Villa u tregua më efektive. Në minutën e 57, Rogers shënoi golin e dytë, të asistuar nga Watkins.
Pas këtij goli, Manchester United nuk arriti të reagojë siç pritej dhe ndeshja u mbyll me rezultatin 2-1 për Aston Villën. Kjo fitore e çon ekipin në 36 pikë, duke u afruar me Arsenalin dhe Manchester Cityn për pozitat e larta, ndërsa Manchester United mbetet me 26 pikë, duke u larguar më shumë nga zonën Champions.
