SHBA- Disa familje në Maryland në SHBA, kanë rënë dakord të festojnë Krishtlindjet këtë vit në mes të verës, konkretisht më 28 qershor, për një vajzë 9-vjeçare, Kasey Zachmann, e cila vuan nga një formë agresive e kancerit dhe mund të mos ia dalë deri në dhjetor.
Banorët e zonës së saj, pavarësisht vapës dhe temperaturave përvëluese, veshën veshjet e tyre festive dhe e mirëpritën Babagjyshin, duke sjellë sezonin më festiv të vitit disa muaj më herët. Kasey ishte vetëm 5 vjeçe kur u diagnostikua me medulloblastomë, një lloj kanceri në tru. Familja mësoi së fundmi se kanceri i kishte shkaktuar metastaza në nyjet limfatike.
Pas zhvillimeve të fundit, i gjithë komuniteti i saj, pasi mësoi se sa shumë i do Kasey Krishtlindjet, u mblodh së bashku për ta bërë kohën e mbetur sa më të mrekullueshme të ishte e mundur. Kështu që në video shohim Babagjyshin e Vitit të Ri duke hipur në një kamion zjarrfikës të dekoruar me dritat e festave dhe duke zbritur në lagjen e Kasey-t i ngarkuar me dhurata, i shoqëruar nga një maskotë, ndërsa fëmijët i afrohen atij. Një imazh mjaft surreal, por shumë prekës.
https://www.instagram.com/reel/DLnxTMXO5qg/embed/captioned/?cr=1&v=14&wp=1218&rd=https%3A%2F%2Fdosja.al&rp=%2Fbota%2Fprekse-mund-te-mos-ja-dale-deri-ne-fundvit-nje-qytet-ne-shba-feston-krishtl-i447699#%7B%22ci%22%3A0%2C%22os%22%3A223%2C%22ls%22%3A150%2C%22le%22%3A154%7D
