Propozimi për një takim mes Donald Trump dhe Vladimir Putin në Itali është refuzuar nga Moska, e cila e sheh Romën si një aleate të fortë të Kievi, sipas mediave italiane. Telefoni i Trumpit për Kryeministren italiane Giorgia Meloni më 7 gusht shënoi fillimin e negociatave, me rekomandimin e senatorit amerikan Marco Rubio për të zyrtarizuar iniciativën gjatë një takimi të përbashkët të këshilltarëve të sigurisë kombëtare të vendeve të ndryshme.
Presidenti ukrainas Volodymyr Zelensky e mbështeti këtë nismë, duke e quajtur atë “shumë të favorshme”. Sidoqoftë, reagimi i Rusisë ishte i menjëhershëm dhe negativ, duke shprehur kundërshtimin ndaj organizimit të takimit në territorin italian, i cili konsiderohet si një palë e pozicionuar ndaj Ukrainës. Një pengesë tjetër është urdhri i arrestimit të Vladimir Putinit nga Gjykata Penale Ndërkombëtare për krime lufte, i cili e komplikon edhe më shumë takimin në vende që e njohin këtë gjykatë, si Italia.
Në këtë kontekst, Putin sugjeroi alternativa, si Emiratet e Bashkuara Arabe, ku presidenti Mohammed bin Zayed ka shprehur gatishmërinë për të ndihmuar në organizimin e takimeve. Një opsion tjetër është Vatikani, i cili, megjithëse nuk ka konfirmuar zyrtarisht një takim, ka shfaqur gatishmëri për t’u angazhuar në një proces të tillë, për shkak të rolit të tij si ndërmjetës në krizën ukrainase.
Papa Leone XIV është shprehur për nevojën e diologut, duke theksuar se “armiqtë duhet të takohen”, dhe ka inkurajuar drejtuesit të negociojnë. Kardinali Pietro Parolin ka qenë aktiv në përpjekjet për paqe, ndërsa kardinali Matteo Zuppi është emëruar për misionet e paqes. Vatikani ka arritur të realizojë kthime fëmijësh ukrainas dhe shkëmbime të të burgosurve.
Nëse takimi mes Trump dhe Putin do të ndodhte në Vatican, ka gjasa që kjo të mos bëhet e ditur publikisht. Megjithatë, është e qartë se Vatikani është i hapur për të mbështetur inisiativa paqësore dhe për të shërbyer si një platformë për dialogun dhe negociatat.
