E ndërsa qeveria e miratoi mes shumë akuzave dhe kundërshtive kalimin e portit të Durrësit në “dorë” të arabëve dhe privatëve, Autoriteti Portual po nxiton për të bërë tenderat e fundit para se porti aktual të zhvendoset në Porto Romano për t’i lënë fushën e lirë Alabbarit.
Drejtori i Portit të Durrësit, Pirro Vengu ka hapur një tender gati 30 milionë lekë pa TVSH për riparimin e infrastrukturës civile portuale. Konkretisht sipas preventivit bëhet fjalë për çarjet dhe plasaritjet e një rrugë pranë portit.
Janë dy projekte të mëdha që priten të konkretizohen në vitet në vijim në qytetin e Durrësit, marina e jahteve aty ku ndodhet sot Porti i Durrësit dhe zhvendosja e këtij të fundit pikërisht në portin e ri në Porto Romano.
Por pavarësisht se u miratua zhvendosja e portit të Durrësit, tenderat vazhdojnë për investime në zonën aktuale.
