Nga Timoni.al
Ngjarja e rëndë që ndodhi në qytetin e Laçit një javë më parë është një alarm i madh për raportet midis krimit dhe policisë së shtetit. Një video e publikuar nga ish-kryeministri Sali Berisha tregon me figurë se si një efektiv i FNSH rreth oren 24:00 të mes natës thyen më dorë një kamera private të biznesmenit Ardjan Gjeloshi. Pas asnjë mandat apo pas asnjë urdhër por në mesin e natës, policia thyen kamerat private që autorët e krimit të mos filmohen dhe të largohen pa lënë gjurmë.
E sollëm këtë rast për të treguar sesi pas ardhjes së Taulant Ballës në krye të ministrisë së brendshme bandat dhe krimi ndihet më të mbrojtura. Taulant Balla që është një politikan që ka lidhje dhe bashkëpunime të forta me eksponentë të krimit të organizuar, është pikërisht njëriu i duhur që bandat të veprojën të qeta në aktivitetin e tyre kriminal. Shqiptarët e kanë ende të freskët në memorien e tyre kohë kur Saimir Tahiri mbushi çdo cep të vendin me parcela kanabis dhe ishte pikërisht policia ajo që i ruante dhe garantote shitjen drejtë njerëzve të Tahirit.
Në çdo komisariat policie gjen efektivë policie që në vend që të punojnë për ruajtjen e jetës dhe sigurisë për qytetarët e zakonshëm të këtij vendi, janë shërbëtor të devotshëm të bandave kriminale. Taulant Balla që në momentin që mori detyren si ministër nuk ka kryer asnjë aksion për kapje të fortësh në qytetet kryesore të vendin.
Kjo nuk ndodh sepse Taulant Balla është njeriu që i garanton bandave rehatinë e domosdoshme që të ndihen të paprekshme nga strukturat e policisë së shtetit. Në çdo kohë krimi ka penetruar në radhët e policisë me raste sporadike apo edhe më shumë por në asnjë moment policia nuk ka qënë kaq afër me krimi sesa në këto dy vitet e fundit kur ministrinë e brendshme e drejton Taulant Balla.
