Një autobus me targa të Gostivarit që po transportonte nxënës shqiptarë nga Maqedonia e Veriut për të marrë pjesë në Festat Kombëtare të 28 & 29 Nëntorit në Vlorë e Tiranë është përfshirë në një aksident pak kilometra në dalje të qytetit të Librazhdit.
Autobusi është përplasur me një makinë te “Kthesat e Murrashit”. Shkak janë bërë lagështira në rrugë dhe kthesa e rrezikshme. Fatmirësisht raportohet vetëm për dëme materiale. Nuk ka nxënës të lënduar. Ende nuk janë të qarta rrethanat e aksidentit.
