Para disa muajsh, për Lulzim Bashën dhe atë grusht njerëzish pranë tij, Amerika ishte ‘gogoli’ me të cilin duhej të frikësonin të gjithë ata demokratë, duke nisur që nga deputetët deri në bazë.
Ishte koha kur Jorida Tabaku i kërcënonte delegatët gjatë mbledhjes së firmave për Kuvendin e jashtëzakonshëm në emër të Yuri Kim, duke u thënë se nuk do marrin.
Muajt rrodhën shpejt dhe demokratët e bënë zgjedhjen e tyre. Kuvendet, votimet dhe një seri zgjedhjesh provuan se ata janë të vendosur për të çuar përpara parimet dhe vlerat.
Mësohet se në dy takimet e fundit në kafe, Basha u ka deklaruar se do të ketë një vizitë shumë të rëndësishme në SHBA. Pa dhënë shumë detaje, ai nuk i ka sqaruar më tej.
Por historia e ‘vizitës’ së famshme të Bashës në SHBA ka marrë tjetër rrjedhë prej kohësh. Edhe kur një zyrtar i SHBA pati deklaruar se Basha do të shkojë së shpejti në Uashington, vizita nuk u bë realitet.
Ajo që dihej nga pak njerëz, u mësua nga të gjithë shqiptarët kur mediat më të mëdha ndërkombëtare publikuan raportin e lobimit rus, ku spikaste rasti i Lulzim Bashës.
Paralajmërimi i bërë në atë kohë se Lulzim Basha ka kthyer në rrugë, pasi po të shkonte në SHBA, e prisnin prangat sepse ka lobuar me financime ruse, ishte ‘damka’ mbi kurrizin e tij.
Asgjë nuk ka ndryshuar, madje tonet e SHBA në këtë drejtim janë përforcuar. Së fundmi ishte senatorja amerikane, Jeanne Shaheen që tha se Uashingtoni është shumë i shqetësuar për financimet ruse.
Pasi e përdorën për interesat e tyre, Yuri Kim dhe Gabriel Escobar e ‘flakën’ Lulzim Bashën. Tani kjo historia e ‘vizitës’ së tij në SHBA duket akoma më qesharake. Ajo nuk karikon dot as ata persona që numërohen me gishta dhe që i shkojnë nga pas.
‘Vizita’ e tij në SHBA do kishte vetëm një rezultat: vënien para drejtësisë amerikane.
