SARANDË– Personi që shihni në foto është 56-vjeçari Adil Veli, ish-efektivi i policisë që mbeti i plagosur mbrëmjen e sotme në Sarandë. Ngjarja ndodhi në lagjen nr. 4 të qytetit të Sarandës, në rrugën “Mitat Hoxha”, nga ku dyshohet se për shkak të një konflikti ai u godit me tytën e pistoletës.
Arma është shkrepur në mënyrë të pavullnetshme në ajër dhe pa shkaktuar pasoja. Po ashtu si provë materiale, në vendin e ngjarjes është gjetur dhe sekuestruar një gëzhojë dhe arma e zjarrit. Ndërkohë grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj.
