ITALI- Detaje të reja janë zbardhur në lidhje me plagosjen e një 16-vjeçari shqiptar në Vicenza të Italisë. I mituri shqiptar u godit me thikë në gjoks të shtunën. Ai fatkeqësisht ndodhet i shtruar në spital në gjendje shumë të rëndë.
Corriere raporton se sipas një hetimi paraprak nga policia, i mituri u godit me thikë nga një i ri tjetër, ndoshta një nga bashkëmoshatarët e tij, për arsye që ende nuk janë sqaruar. Një nga hipotezat mbi të cilat po punojnë hetuesit është ajo e një tentative grabitjeje që përfundoi me gjakderdhje, por nuk përjashtohen edhe motive të tjera.
Për ngjarjen nuk ka ende një version të saktë. Deklarata e të plagosurit mund të jetë e dobishme kur ai të jetë në gjendje t’u përgjigjet pyetjeve. Alarmi u dha nga disa kalimtarë pasi zona ku ndodhi incidenti është e populluar dhe e ngarkuar edhe sepse ka një parking të madh. Pas thirrjeve në vendngjarje, mbërriti një ambulancë, mjekët e së cilës i dhanë të riut ndihmën e parë në vend dhe më pas e transportuan atë në spitalin e qytetit.
Nga pamjet e kamerave të sigurisë shihet se i riu mbërriti me një skuter në vendin ku ndodhi ngjarja. Nuk përjashtohet mundësia që ai të ketë pasur një takim me personin që e sulmoi. Pas goditjes me thikë, 16-vjeçari, megjithëse i gjakosur, arriti të ecte disa qindra metra, duke kërkuar ndihmë në një lokal. Kërkimet në park dhe zonat përreth, rinisën këtë mëngjes, pasi ende nuk është gjendur as thika e përdorur në sulm.















![45-vjeçari përplaset me të riun që ishte në motor, pas ikjes nga vendngjarja dorëzohet në komisariat shoferi i makinës
"Shërbimet e Policisë Rrugore Lezhë kanë dorëzuar materialet në Prokurori, ku ka nisur procedimi penal në gjendje të lirë për shtetasin L. N., 45 vjeç, banor i Laçit. Ai, gjatë drejtimit të automjetit në qytetin e Laçit, ka përplasur një motomjet të drejtuar nga shtetasi E. N., 18 vjeç, gjithashtu banor i Laçit, i cili, pas marrjes së [...]](https://timoni.al/wp-content/uploads/2025/11/45-vjecari-perplaset-me-te-riun-qe-ishte-ne-motor-pas-120x86.jpg)