Një biznes privat në qytetin e Peshkopisë është kërcënuar me shpërthim, pasi pronarit i është kërkuar pagesa e 50 milionë lekëve me paralajmërimin se, në të kundërt, subjekti do t’i hidhej në erë. Kërkesa për pagesë dhe disa materiale, të dyshuara si pjesë e një pajisjeje artizanale ngjashme me eksploziv, u gjetën brenda një kuti picash që i ishte dërguar pronarit.
Pas konstaktimit të paketës, zona në dalje të qytetit të Peshkopisë u rrethua nga forcat e policisë. Perimetri u mbajt nën kontroll për rreth tre orë për të garantuar sigurinë e banorëve dhe kalimtarëve. Për të marrë masa të tjera sigurie, në vendngjarje mbërritën specialistët e çminimit dhe neutralizimit të lëndëve eksplozive nga Tirana. Si pasojë e operacionit, janë mbyllur edhe subjektet përreth zonës së karburantit pranë vendit ku u gjet paketimi, ndërsa qarkullimi i automjeteve u devijua dhe vazhdoi nëpërmjet unazës së Peshkopisë.
Në kuadër të hetimeve mbi kërcënimin dhe natyrën e materialeve të gjetura, policia ka shoqëruar disa persona dhe po punon për zbardhjen e plotë të rrethanave dhe identifikimin e autorëve të ngjarjes. Deri tani autoritetet kanë marrë masa për sigurimin e zonës dhe hetimin e objektit të paketës, ndërkohë që pritet konfirmimi zyrtar i Policisë së Shtetit për detaje shtesë lidhur me ngjarjen dhe karakterin e materialeve të gjetura.
Informacionet paraprake tregojnë se ndërhyrja e forcave dhe specialistëve u zhvillua me qëllim parandalimin e rrezikut për banorët dhe për objektet përreth. Hetimet vijojnë për të përcaktuar origjinën e kërcënimit, mënyrën e dërgimit të paketës dhe për të identifikuar përgjegjësit. Në të njëjtën kohë autoritetet do të japin sqarime shtesë pasi të përfundojnë verifikimet teknike dhe procedurat e nevojshme lidhur me materialet e sekuestruara.
