Fabrizio Corona, ish-fotografi profesionist paparaci, zbulon emra të tjerë të lojtarëve që luanin baste sportive, të cilat në futboll janë të ndaluara.
Federico Gatti i Juventusit, El Shaarawy i Romës dhe Nicola Casale i Lazios janë emrat e radhës të cilët zbulohen nga Corona.
Sipas ish-paparacit, dy lojtarët e klubeve kryeqytetase dhe ai i Juventusit, dyshohet se janë të përfshirë në skandalin e basteve sportive që ka kapluar Italinë.
Corona vazhdon të theksojë se ky është vetëm fillimi, pasi emra të shumtë të tjerë do të dalin në horizont dhe para publikut.
Fagioli i Juventusit u dënua ditën e djeshme me 7 muaj pezullim, ndërsa Tonali pritet të marrë një dënim më të rëndë.
